Eki baslı üy saldım
Ortası tandır
Kel anayga kelin bol
Ot tutandır
Akkuş uşar kıyalap
Küntümen sarkar
Senmen cıygan işdertim
Kimlermen darkar
Ay gidi yalan tüniya
Kuvnaksız künler
Bizge sıra kelgende
Kavradı güller
Karşıgada turasın
Barkıldap ayday
Caktın menim cüregim
Kaynagan mayday
Aklı basma kaptanın
Adibi algan
Süygenindi almasan
Ne payda maldan
Karalarnı men kiyeyim
Al senin bolsun
Aguvlarını men işeyim
Bal senin bolsun
Sabaktaştı men kördüm
Sav-aman cüre
Bayır astı tarlasın
Sabanman süre
Aşuv taşım kök taşım
Mermer taşım
Tandan berli kaydasın
Sabaktaşım
Öttü koraz attı tan
Ayan da beyan
Köster özün asabay
Tangaşı dayan
Otura edim oy oylap
Tereze karap
Kelavuydu dal-pidan
Aydarnı tarap
Perşembeden kir cuvdum
Ak köpürtüp
Kelavuydu dal-pidan
At sekirtip
Teran erte kaytayım
Colum bayır
Keş bolmadan aytayım
Toyun kayır
Ak degende akciger
Körüne bavur
Degenimdey bolmadı
Bu tasavvur
Bir örkende beş kavun
Bagarı pütün
Canıktı canık söndürür
İşeyik tütün
Oga ses bergen Kuday
Cırlay keday
Cırlagan saytin bunday
Cılay kaday
Sarımsaktay sarardım
Soganday soldum
Sarı altın sadaka
Şaşkanday boldum
Al takkedi salgansın
Taz başına
Bir allegim bolgansın
Öz başına
Aksam bolup cataman
Amentü okup
Sen tüsüme kelesin
Lavanta kokup
Sırttan kele bir payton
Telbevi telden
Kıska ayak kız bala
Kısmeti elden
Cengem örgen ciyren-şaş
Celtiriy celsiz
Bolsa cennet kapısı
Kiramam sensiz
Cengem örgen ciyren-şaş
Cel kaydırgan
Onmasın kün körmesin
Bizdi ayırgan
Anay atay cok mende
Can acır cenge
Kanatı sınık torgayday
Kor boldum elge
Aşayman ep şırbörek
Köbete kırma
Kaydaken mendey cigit
Bıyıgı burma
Sırttan kele bir payton
Tozu dumanda
Sabaktaş kaşcak endi
Közü kumanda
Aytıyak şının ma cok
Şırayın asık
Teran erek tur menden
Avzun sasık
Astım kazan soydum tay
Atdı cekleymen
Yasıyakban üyken toy
Seni bekleymen
Sendey kızga az kelir
Canımdı bersem
Ne der ekensin ta
Cavşı cibersem
Tımalap tüstüm bek sızlay
On bilegim
Ne tileysin diy Kuday
Sen tilegim
Tavga bardım tartamay
Sokur tanam
Boruşgaga kız tapsan ulum
Al dedi anam
Tavda elbet tartamaz
Sokur tanan
Boruşkaga kız bolameken
Bok cegen anan
Üyken saray saldırdım
Bopbos ba tursun
Sen kelip oturmasan
İytler otursun
Kişkenekey üy işin
Saray ma diysin
Karamayman men saga
Karay ma diysin
Tüsümde al kelinlik
Kiyedin sen
Anamga barıp anay
Diyedin sen
Avursam ak dep kimsem cok
Ölsem cılar
Basım sıypap közlerimdi
Kim cımtırar
Ketgenge mevlam col bersin
Kalganga savluk
Avurmagan basıma eş
Baylamam cavluk
Şınlasam şınşı tuvulmam
Şınlap da yalmam
Şınlagan caslarga karap
Kımıp da kalmam
Cennet cannem arası
Kaş kat zencir
Avzun nebet şekeri
Tilin incir
Cennet cannem arası
Ne erek collar
Süygenine kavusgan
Ne ongan kullar
Kasların kalem tartılgan
Közlerin kömür
Sensiz geşken künlerdi
Saymayman ömür
Terekke tay baylamam
At baylarman
Özüm kara bolsam da
Kız saylarman
Kara közlüm ayatta
Et paralay
Caktın menim cigerim
Kapkaralay
Katlanşıklı köbete
Pişe tabada
A kız seni körgende
Aklım avada
Köp sallama kumgandı
Tibi tüser
İşinde suv cıllıdır
Böregin piser
Sıpradaki köbetedin
Maylı göbegi
Birkaş kere piskenmedi
Anandın böregi
Ah demesem kayteyim ay
Candım da küydüm
Kademsizdin balasın ay
Kaydan da süydüm
Eskişehir/Alpu Yellice avulunda Kırım muhacirlerinin şınlamaları
Alıntı: http://www.angelfire.com/folk/tatarca/sinyirmane.htm
Nogay Tili 